ومعايا أحلامى تطير،
وأملا الدنيا خير،
وزينها بحب الغير،
وأزرعها أفراح،
وأرويها فلاح ونجاح،
وأقول لأ لكل جراح،
وأعيش متهنى ومرتاح،
وتساعنى سماياوأشوفها براح،
وتشيلنى النسمة الطايرةمعاها،
وأطير وأغنى وياها،
وفى لحظة خانتنى وخانى الريح،
ووقعت على الأرض طريح،
وفجأة لقيت نفسى جريح،
واتبعتر ريشى وسرقته الريح،
وطارت معاها التفاريح،
وبصيت لقيت حواليا التماسيح،
وكان نفسى أكون حمامة،
بس خدتنى الدنيا فى دوامة،
وعرفت ان الدنيا صيادة لكل طير،
وزمانى كان عليي غفير،
وساعتها اتمنيت ترجع طفولتى من تانى،
ويرجع فى كلامه زمانى،
ويتولد معايا حلمى البسيط،
واقول ده أنا نفسى أكون،
وأملا بأحلامى الكون،
وأعيش حرة وأشوف كل شئ مضمون،
ومشفش بعينى أى سجون،
وأغلب الزمان ،
وأقتل كل سجان،
وتسكن دنيتى جوه نن عينيا وتشوفها دايما بستان،
وتموت جوايا الأحزان،
وأشوف حواليا الدنيا كلها بهجة وألوان،
وتكون زينة أفراحى لحياتى عنوان،
وشعرى سارح على دهرى،
وفى الشارع مع أصحابى ألعب وأجرى،
وأطل للسما وأدعى و أقول يارب بكرة أكبر ويتحقق الحلم،
ويصبح علم،
ويا ريته ما صبح علم ،ويا ريتنى ماكبرت ،
وشوفت الدنيا وزهلت،
وخانتنى أحلامى
وكأنى صحيت من نومى،
وكأنى صحيت من نومى،
،
والدنيا الغدارة قتلتنى تانى ،
وسجنى سجانى،
وخانتنى منايا ويا زمانى،
وصبحت ميت فى مكانى،
ويعود الجرح،
يغطى الفرح،
وتسافر روحى وجسمى عليها يهون،
وتندفن ومعاهاجناحى والحلم مدفون.....

هناك تعليق واحد:
جميلة جدااااااااااااا
إرسال تعليق