متى الفرح؟
يا قلبى امتى تغنى وتفرح ؟؟...
وامتى تلاقى فى الفرح مطرح ؟؟......
يا قلبى امتى تغنى وتطير؟؟!!! .....
وامتى الاقى فى الدنيا خير؟؟.........
ده الخير موجود بعينه ولكن ....
ولكن سحاب الشر مضلل عليه .........
ماسك بفاسه بيقتل فيه ........
والحب ماشى فى طريقه وقلوبنا بتنده عليه .....
ياحمامة السلام !!!على فين ؟؟.....
ومالك طايرة ناحية الوادى الحزين؟؟!!!!! .......
طب خدينى معاكى ...اطير معاكى ......
يا بيضة بياضك معاكى سافر ....
وهل علينا السواد وجوانا دفين ......
قاعدين نقطع فى بعض ،بنكره بعض ...وللسلام قاعدين نهين ........
ومنين ييجى السلام ؟؟!!!!!!!.....
بعد ما هدمنا ابراج الحمام ....
ماخلاص بقى ده احنا قتلنا بينا الوئام .....
واصبح ما بينا طيور الظلام ....
واصبح ما بينا طيور الظلام...
.واصبح ما بينا طيور الظلام
ليست هناك تعليقات:
إرسال تعليق