السبت، 10 مارس 2012

مابين الحلم والوهم

فى مفارقة بين الحلم ،والوهم تجد التناقض :
الحلم:الحقيقة هى وليدته.
الوهم :وهن الحقيقة وليده .

الحلم: الخيال أوهن أمام الواقع فيدحضد الواقع الخيال ويُكتب له النصر .
الوهم :الواقع أوهن امام الخيال فيدحض الخيال الواقع ويُكتب له النصر.

الحلم :يُذكر فى قصص النجاح .
الوهم :يُذكر فى قصص الفشل.
 
 
 
شرح المعنى : مقارنة بين الحلم والوهم والفروق بينهم ،،
الحلم:الحقيقة هى وليدته.:
اى ان لما نحلم حلم نفسنا يبقى واقع بنفضل نجاهد ونبذل كل الجهد لتحقيقه على ارض الواقع فبيصبح حقيقة ..فتكون الحقيقة هى نتاج الحلم اى انها مولودته .
الوهم :وهن الحقيقة وليده .:
هنا الوهم العكس تماما ..هو اننا بنؤمن بشئ مستحيل يكون فى الحقيقة بتضعف "وهن الحقيقة" ضعفها ...ضعف الحقيقة هو نتيجة الوهم .
واتعمدت اختار لفظ "وهن" على وزن "وهم"

الحلم: الخيال أوهن أمام الواقع فيدحضد الواقع الخيال ويُكتب له النصر .
بما ان الحلم من الممكن انه يبقى حقيقة وصوت وصورة على ارض الواقع ...كده مش هيبقى خيال يعنى الواقع هو اللى هينتصر على الخيال.

الوهم :الواقع أوهن امام الخيال فيدحض الخيال الواقع ويُكتب له النصر....العكس هنا بقى . الخيال هو اللى بينتصر لان كل شئ فى الوهم خيال .

الحلم :يُذكر فى قصص النجاح .
طبعا لما نحلم بانجاز شئ معين ونحققه يبقى كده نجاح زى العلماء والمخترعين لما حلمو باختراع حاجات مش فى الواقع وانجزوها وفى كل قصصهم بنعرف ان كل انجاز كان حلم فى البداية .

الوهم :يُذكر فى قصص الفشل.
الوهم بما انه عدم الايمان بالواقع والايمان بان كل شئ خيال ومستحيل فاكيد هيؤدى للفشل .
يارب اكون عرفت اوصل الكلام :).

ليست هناك تعليقات: